Hemen duzue aurtengo hitzaldien kartela! Lodosa eta alboko herri batzuetan izango gara azaroan, gai desberdinen inguruan adituekin aritzeko! Ez galdu eta animatu zaitez, ziur interesgarriak eta baliogarriak suertatuko zaizkizula. Datorren astean Lodosan hasiko gara!

Aurten Lodosako beste ikastetxeekin batera proiektu berri bati hasiera eman diogu, honekin, pertsona adinduekin batera hainbat ekintza burutuko ditugu. Gaur piperrak nola ensartitu eta zuritzen diren erakustera etorri dira MªLuz, Luisa eta Kontxi, oso tarte goxoa izan da beraiekin igarotakoa eta asko ikasi dugu haiekin. Ikasitakoa praktikan jartzeko, Conservas Pedro Luisek 10kg piper oparitu dizkigu zuritzeko prest eta denen artean zuritu eta dastatu ditugu. Mila esker egun hau posible egin duzuen guztiei, Mª Luz, Luisa , Kontxi eta Conservas Pedro Luis eskerrik asko!

Azkeneko egun hauetan martxan jarri dugu berriro ere baratza. Horretarako, lehenik eta behin lurra mugitu eta oxigenatu dugu produktu berriak landatzeko prest gera zedin. Ondoren, produktu berriak landatzera ekin diogu: azaloreak, brokoliak, letxuak, tipulak, baratxuriak, borraiak eta perretxilak izan dira orain arte landatutakoak. Hemendik aurrera ureztatzeko eta zainketa lana izango dugu ikasleek.

Ikastolako ikasle ohia zara? Eskaini minutu bat formulario labur hau erantzuteko! Link-an sakatu eta erantzun! Zuen datuak gauza polit eta bereziak prestatzeko bildu nahi ditugu.

https://forms.gle/JgW7VeDttUxZYDB68

Eskerrik asko!

ingurugiroko jasangarritasun azokaren hainbat irudi dituzue hemen. Nahiz eta, eguraldiak ez gintuen asko lagundu, giro aparta izan genuen! Hainbat lekutatik etorritako jendea elkartu zen eta hitzaldietaz, produktuetaz, postu informatiboetaz eta menestraz disfrutatu ahal izan genuen.

Eskerrik asko laguntzaile guztiei azoka hau posible egin ahal izateagatik eta gerturatu zineten guztiei! Datorren urtera arte!

Bigarren hiruhilekoa ixteko, Iruñeko Planetariora ateraldia egin dugu, bertan unibertsoari buruz asko ikasi dugu. Gainera, ekintza bukatzerakoan Yamaguchi parkeaz disfrutatzeko tartea ere izan dugu. Egun bikaina benetan!

Irakurzaletasuna sustatzeko asmoz, 25. urteurrenean eta urtero legez Ikastolan JUUL kanpaina ospatu dugu. JUUL egunean euskarazko literatura hauteskundeak ospatzen dira eta ikasleek idazle eta ilustratzaile gogokoena bozkatzeko aukera dute.

Otsaileko eta martxoko hilabetetan tailer desberdinak eskaini zaizkie Ikastolako ikasleei. Tailer hauek ikastolako guraso eta ikasle ohiek eskaini dituzte, beti ere ikastolarekiko gertutasuna eta konpromezua adieraziz. Oraingoan, tailerretan hainbat gai jorratu dira, lehen sorospenak, eko-nekazaritza, NASAko bitxikeriak edota energia berriztagarriak sortzeko iturriak besteak beste. Ikasle guztiek, txikienetatik nagusienetara, asko disfrutatu eta ikasteko aukera izan dute. Proposamen hau errepikatuko dugulakoan gaude. Eskerrik asko tailer hauek posible egiten dituzuen guztiei, oraingo honetan bereziki, Alfredo, Aritz, Jaime, Jaione eta Enekori.

Emakumeen nazioarteko eguna.