Atzo arratsaldean Irene Lopez Goñi NIEko arduradun pedagogikoa gurera etorri zen, KiVaren inguruko formakuntza bat eskaintzera bai familia zein irakaslegoari. Adi entzun genituen haren azalpenak eta bakoitzaren ideiak elkar-banatzeko aukera ere izan genuen. Irene, gurean zu izatea beti plazerra da! Eskerrik asko etortzeagatik eta zure jakinduria elkarbanatzeagatik. Laster arte!

Atzo Lodosako kaleetara atera ginen Santa Ageda ospatzera. Antza denez, ederki eta gogotsu abestu genuen, izan ere, udaletxean abestu ondoren, hamaiketako goxoa eman ziguten Ikastolan jateko. Denetik bizi izan genuen, kalejira, abestiak, hamaiketako goxoa, familien parte-hartzea, baita ikasle ohi batzuen bisita ere.

Urteak pasa ahala Ibaialde Ikastola geroz eta berdeago bilakatzen ari da, bertan naturaren alde lan egiten dugu, bizimodu jasangarriagoa sustatuz. Hainbat ikasturte daramazkigu baratza zaintzen eta ornitzen, hemen bideo honetan aurten, gaur egunerarte, baratzan egindako lana.

Zure seme-alabak honako testuinguruan hezi nahi badituzu, etorri ikastola ezagutzera!

Gabonetatik bueltan uzta jaso, Haur Hezkuntzako 2. zikloko ikasleek baratzeko lehenengo uzta jaso zuten, borraia bana eraman zuten etxera, eta produktu berriak landatzeari ekin diogu, oraingo honetan, marrubiak, porruak eta erremolatxak landatu ditugu. Zenbat disfrutatzen dugun baratza zaintzen!

Zeinen berezia den beti Olentzero eta Maridomingi datozen eguna… Zenbat disfrutatzen dugun, bai txiki zein nagusi. Kalejira, abestiak, zahar egoitzara bisita, hamaiketako berezia, opariak, familiekin batera jaialdia…

Eskerrik asko bihotz-bihotzez egun hau posible egiten duzuen guztiei, eta jakina, eskerrik asko Olentzero eta Maridomingi gurera etortzeagatik! Laster arte!!

ZORIONAK ETA URTE BERRI ON!

Pasaden azaroan, aurreko ikasturtean bezala, hezkuntzarekin zerikusia izan zuten hitzaldiak izan genituen. Sartagudan¸ Lodosan eta Andosillan izan zuten leku hitzaldi hauek eta gaietan adituak diren, Irene López Goñi, Leticia Garcés eta Julen Aldaya bertaratu ziren hurrenez-hurren. Lehenengoan, Irenerekin, Bullying gaia jorratu zen, Goñiren azalpen eta aholkuak entzun ahal izan ziren eta baita guraso zein gerturatutako guztien kezkak argitu ere. Bigarrenean, Leticiarekin, hezteko prozesuan sortzen diren kezkak, konfiantza gaiarekin edota errespetuarekin sortutako familien zalantzei irtenbidea aurkitu zitzaien. Azkenekoan, Julenekin bizitza osasuntsuaz, elikaduraz edota ohitura egokiez mintzatu ziren.

Gerturatutako guztientzako hitzaldi mamitsu eta interesgarriak izan zirelakoan gaude. Bide batez, hemen ere, hiru adituei eskerrak eman nahi dizkiegu gurera etortzeagatik.

Aurreko ostiralean Gau Beltza ospatu genuen Ikastolan. Mozorrotuta etorri ginen, aurpegiak margotu genituen, kalabazak hustu genituen, gaztainak prestatu, goxo-goxoa jan genuen eta egunari amaiera emateko bakoitzak bere beldurrak paper batean idatzi eta erre genituen.

Oraingoan Ikastolako sarrerako paretari kolorea eman nahi izan diogu, eta horretarako aztarna koloretsuak egin ditugu! 👣 Asko disfrutatu dugu proposamen honekin!! 

Hasi gara baratza martxan jartzen!! Gaur lehenengo produktuak landatu ditugu: romanesku, tipula, borraia, brokolia, eta hainbat motatako letxuak besteak beste. Hemendik aurrera ureztapenarekin zainduko ditugu poliki-poliki hazi arte!