Ikasturte osoan zehar, Ibaialde Ikastolan irakurzaletasuna modu jarraitu eta esanguratsuan landu dugu. Liburuak irakurri, partekatu, komentatu eta hausnartu ditugu, literaturaz gozatzeaz aparte, pentsamendu kritikoa eta iritzia emateko gaitasuna garatzeko ere.
Prozesu horren amaieran, JUUL Kanpaina-ren baitan, ikasleek euren hautuak egin dituzte: gustukoen duten liburua, idazlea eta ilustratzailea aukeratuz. Jarduera honek ikasleei literaturarekin harreman aktiboa izateko eta euren iritziak balioan jartzeko aukera ematen die.
JUUL Kanpaina irakurzaletasuna sustatzeko tresna eraginkorra izateaz gain, ikasleen protagonismoa eta parte-hartzea indartzen dituen ekimena da, bozka bakoitzaren atzean irakurketa, bizipen eta hausnarketa ugari baitaude.