Gaur goizean, ilusioz eta emozioz beteta, Olentzero eta Mari Domingi gure ikastolara etorri dira. Txikien begietan distira berezia, kantak, algarak eta besarkadak izan dira nagusi.
Familiekin batera herritik barna abestuz eman diogu hasiera Gabonetako egun berezi honi. Kaleak Euskaraz, kantuz eta giro onez bete ditugu.
Ondoren, Olentzero eta Mari Domingi gelaz-gela ibili dira, haur bakoitzarekin momentu hurbil eta goxoa partekatuz. Txikien begietan distira berezia, algarak eta emozioa izan dira nagusi.
Hamaiketako goxo baten ostean, gure jaialdia izan dugu, talde guztien emanaldiekin. Familiak, haurrak eta irakasleak elkarrekin egoteko tarte ederra izan dugu. Une xume baina oso berezia, komunitatea sendotzen duena.
Eskerrik beroenak familia guztiei, egun honen parte izateagatik eta ikastolaren egunerokoan bidelagun izateagatik. Halako momentuek gogorarazten digute zergatik den garrantzitsua hezkuntza pertsonala, hurbila eta euskaratik eraikia izatea.
🎄 Gabon zoriontsuak eta urte berri on familia guztiei!
Besarkada handi bat ikastolatik.